Vilkår for Digitaliseringsdirektoratet sine arrangement

Bindande påmelding

Påmeldinga er bindande etter at påmeldingsfristen er gått ut dersom ikkje anna er oppgitt. Fram til påmeldingsfristens utløp kan du melde deg av via lenke i e-posten med stadfestinga av arrangementet.

For Digitaliseringskonferansen gjeld eigne vilkår som oppgitt ved påmelding til konferansen.

Tildeling av plass

Dersom talet på påmelde blir større enn kapasiteten på arrangementet, vil Digitaliseringsdirektoratet prioritere påmelde eller be verksemdene som har fleire påmelde, prioritere plassane. Digitaliseringsdirektoratet reserverer seg retten til å prioritere plassane på enkelte arrangement for å få ei god samansetting av deltakargruppa.

Avlysning

Digitaliseringsdirektoratet reserverer seg retten til å avlyse planlagde arrangement. Påmelde deltakarar vil bli informert straks.

Personopplysningar ved påmelding

Formålet med registreringa er å gi Digitaliseringsdirektoratet som arrangør nødvendig informasjon for korrekt registrering og administrasjon av deltakarar på sine arrangement, samt forbetre tilbod og kvalitet på arrangementa, og leggje til rette for deltakarar med særskilte behov (til dømes matallergi).

Digitaliseringsdirektoratet nyttar Checkin eller Z Event til påmeldingar. Ved å melde deg på samtykker du til å motta informasjon via Checkin og Z Event. Dersom éin person melder på fleire deltakarar samtidig, gjer vi merksam på at den som utfører påmeldinga samtykker på vegne av dei som meldast på. Namn og verksemd kan bli gjort tilgjengeleg i eksempelvis konferansens webapp, dette avgrensar seg til namn og verksemd og ikkje kontaktinformasjon.

Digitaliseringsdirektoratet bruker e-postadressene til å distribuere evalueringar i etterkant av kurs og seminar via vår leverandør, Questback. Ved å melde deg på samtykker du til å motta informasjon via Questback.

Personopplysningar blir lagra fram til fakturering, nødvendig statistikk og rapporteringar er gjennomført.

Film og foto

Ved fysisk deltaking samtykker du til at du kan komme med på bilete og opptak som blir nytta i våre digitale kanalar.

Samtykkeerklæring - innleiar på konferanse i Digdir

Når du stiller opp som innleiar på ein konferanse i regi av Digitaliseringsdirektoratet samtykker du til at Digdir kan:

• Ta, og lagre, bilete, film eller lydopptak av deg.
• Publisere ditt bilete, film eller lydopptak i Digdir sine kanalar (til dømes nettside, nyheitsbrev, sosiale medium, i presentasjonar). Samtykket gjeld også ev. medarrangørar.

Som innleiar på eitt av Digdir sine arrangement må du ha rettigheitene til innhald som vert synt fram i dine presentasjonar og filmar.

Du kan når som helst be om innsyn, retting, avgrensing og sletting av dine personopplysningar.