Det er også i år stor interesse for Digitaliseringsprisen i offentleg sektor. I alt 22 nominerte kjempar no om tre finaleplassar. Her kan du sjå heile lista.
Da fristen for å foreslå kandidatar gjekk ut 17. mars, hadde Digdir motteke 24 nominasjonar. Sidan to av kandidatane hadde fått to nominasjonar, står juryen att med 22 kandidatar som dei no skal vurdere.
– Vi har også i år fått inn svært mange gode forslag. Det dreier seg om fleire store og omfattande digitale løysingar, og mange av desse er samarbeidsløysingar på tvers av offentleg sektor, seier juryleiar Olav Skarsbø.
– Viktige sektorar som helse, samfersel og utdanning er representert, og nivået på mange av dei nominerte løysingane er svært høgt, seier Skarsbø.
No er det opp til juryen å blinke ut dei tre finalistane som skal presenterast på Digitaliseringskonferansen. Vinnaren blir stemt fram av deltakarane på konferansen, og overrekkinga av prisen vil skje under festmiddagen på The Hub i Oslo sentrum 31. mai.
| Nominerte verksemder | Teneste/løysing |
|---|---|
| Helsedirektoratet, Bufdir m.fl. | DigiUng |
| Skatteetaten | Skattemeldingen |
| Skatteetaten | Obligatorisk tenestepensjon |
| Statens vegvesen | Digital synsattest |
| Statens vegvesen | Trafikk app |
| Nye veier | eGrunnerverv |
| Entur | Salgs- og betalingssystemer |
| Mattilsynet | Eksportløsning |
| Værnes Respons (15 kommuner) | Svartjeneste for trygghetsalarmer og annen helseteknologi |
| Digitale Helgeland (16 kommuner) | Felles søknad om redusert foreldrebetaling i barnehage og SFO |
| Tønsberg kommune | Friskus |
| Oslo kommune (Bydel Alna) | Digihjelpen |
| Oslo kommune (Bydel Gamle Oslo) | LUR - Liten, utfordrende og raske initiativer |
| Gibbs | Sesongbooking for kommuner |
| Kristiansund kommune | Påkopla Hjelpemiddel |
| Sikt og Utdanningsdirektoratet | Løsning for tilgjengelighetserklæring i Feide |
| Universitetet i Oslo | Nettskjema og TSD (Tjenester for Sensitive Data) |
| Universitetet i Oslo | autotekst.uio.no |
| Norsk institutt for bioøkonomi (NIBIO) | AR5web |
| Sykehuspartner, Helse Sør-Øst | Digital patologi innført ved Sykehuset i Vestfold |
| Sykehuspartner, Helse Sør-Øst | GNIST |
| Sykehuset Innlandet, Vestre Viken HF | Bedre beslutningsstøtte i helsevesenet |