180,1 millionar kroner til nye digitaliseringstiltak

Ordninga skal gi betre tenester og ein meir effektiv offentleg sektor.

Digdir forvaltar medfinansieringsordninga for digitaliseringsprosjekt i staten. Det er ei ordning som skal nå breitt ut, og målet er at me i Noreg skal gjennomføra fleire samfunnsøkonomisk lønnsame digitaliseringstiltak og realisera effektiviseringsgevinstar. Regjeringa har styrkt ordninga frå 2025.

Ei statleg verksemd må stå som søkjer

Det må vera ei statleg verksemd som står som søkjar, men andre statlege verksemder, kommunar, aktørar i næringslivet, det frivillige osb. kan gjerne vera samarbeidspartnarar.

Krav til tiltaka:

• Må ha ein total prosjektkostnad mellom 10 og 100 millionar kroner.
• Medfinansieringsordninga kan dekkja inntil 50 prosent av dei totale prosjektkostnadene.
• Medfinansiering kan givast i inntil tre år, men prosjektperioden kan vara i fire år.
• Samfunnsøkonomisk lønnsame.

Søkerne må kunna dokumentera at tiltaka er samfunnsøkonomisk lønnsame. Dei må levera ein forpliktande gevinst-
realiseringsplan som viser gevinstane i eigen og eventuelt andre statlege verksemder, og korleis resultata skal målast.

Sit igjen med halve gevinsten

Verksemder som får nettogevinstar sit igjen med 50 prosent av eigne nettogevinstar, dei andre 50 prosent skal takast ut som reduksjon i budsjettet. Dersom andre statlege verksemder får netto gevinstar over 5 mill. kroner i levetida av tiltaket, skal 50 prosent av dette takast ut som reduksjon i budsjetta deira.

Ta kontakt med oss. Me tek gjerne 1-til-1-møter for å rettleia i søknadsprosessen.